Olopa yin Sefiu Alao ni ibon, Olorun lo yoo lowo iku, sugbon ibon naa ko sai pa enikan. Ta ni ibo naa pa

Nnkan selè niju ará ilé ni kò gbó ooo. ogbontarigi onkori nì Alaji Sefiu Alao ni ikú yè lórí rè ni ojó Àbáméta ojó kewàá, osù kejila odún 2016 nígbà tí ó n seré lówó ní ilu Sagamu ní ìpínlè Ogun.Gégé bí ìròyìn se jábò rè: Sefiu Alao n korin lówó níbi ìwúyè olóyè Adétólá Dòsùmu gégé bí Bàbálájé ti Makun labe Oba Timothy Oyèsolá Akínsànyà Orungba 2 kí ìsèlè burúkú náà tó selè.

Nígbà tí ikò NAIJ.com n bá òkan nínú àwon omoléyìn Sefiu Alao sòrò,eni náà se àlàyé wí pé wàhálà náà bé sílè nígbà tí olóyè náà bó sójú agbo tí ó sì n ná owó nla nla repete fun Sefiu Alao tí a tún mò sí omo oko. Ó ní gbàrà tí àwon omo gànfé ríi bí oní nnkan se n nawo fún olórin náà ni wón ya sí ojú agbo wí pé àwon náà fé gba ìpín tiwon naa. Láti ba le àwon ènìyàn yí sá séyin olópàá tí wón gbà gégé bí alábo ló bèrè sí ní yin ìbon ní kosekose títí tí ìbon náà fi ba Sefiu Alao tó korin àti obìnrin kan tó wà ní èbá odo rè lójú agbo nibe.

 Nígbà tí Olórun kó Omo oko yo láti jeri oore Olórun látàrí wí pé ibi apá rè òsì ni ìbon náà ti bàá, ó seni láàánú wí pé kádàrá kò se arábìrin tó wà ní ègbé rè lóore nítorí ota ìbon náà pa arábìrin náà lésèkesè ni.

Sùgbón ju gbogbo rè lo, olópàá tó yin ìbon náà tí wón ò dárúko rè naa ti wà ní àtìmólé ní àkàtà àwon olópàá egbé rè tí wón sì ti n fi òrò wá a lénu wò lórí ìsèlè náà.

Nigba ti eni to ye ka saaba di eni to tun fini sinu ewu, se wahala ko wa de bayii
Sefiu Alao Omo oko mo ki e pe Gbayiii fun oyeku re ooo

 

E wo iru iya ti won fi n je kopa ni ago idanileko igbaradi. Nibo ni oro NYSC nlo ni orile ede yii.

 Se gbogbo wa la ranti ni igba ewe wa ti awon oluko wa maa n so wi pe E KUNLE KE KAWO SOKE KE SI DIJU YIN. Iyalenu nla ni aworan awon agunbanirao kan ti o wa ni ago idanileko igbaradi. Aworan yii ti bere si ni ja rainrain lori ayelujara.
Gege bi a se ri ni ori oju ewe naij.com wi pe isele naa sele ni ago idanileko igbaradi (orientation camp) Umunna, Bende ni ijoba ibile Abia. Eyi ni ohun ti won ko:

“Mo je agunbaniro to wa ni ago idanileko igbaradi NYSC ni Umunna, Bende ni ipinle Abia. Ni owuro yii, lasiko ti a se igbaradi yiyan bi ologun, awon kopa ti won wa ni ile kesan-an mu inu bi ologun ti o n dari won o si fi iya je won pelu pe ki won kunle kawo soke fun bi iseju meloo kan ki o to fi won sile. #Iyen ni wi pe ki eniyan ka iwe dori gbi ko ni ki a ma fi iya omo jeleosinmi je #

"I am a corp member currently undergoing orientation course at the NYSC orientation camp, Umunna, Bende, Abia state. This morning, during parade rehearsals, some corp members in 9 Platoon got the platoon inspector annoyed and he punished them by kneeling them down for some time before releasing them. #Even graduates still get kindergarten punishments #

Aworan naa re ni isale yii:

Airinjina lai ri abuke okere, baa ba rin titi a oo ri pepeye to pon omo
Iyalenu ni oro awon kopa ati ajo NYSC n je fun wa ni odun yii oo. Bi kopa ko ba ku, won yoo ji kopa gbe tabi ki won fi iya aito je kopa. Gbogbo re lori pe a n sin ilu baba eni naa ni. Hmmmm

Gbogbo re naa lori Gbayii naa ni

 

Dada-Stephen Dst tu asiri to wa nidii ÌBÁLÈ OBÌNRIN. Eyin obinrin e gbo se looto ni ohun ti arakunrin yi wi

Igbagbo opolopo okunrin laye ode oni ni wi pe ko si obinrin ti won le ba nile mo lode iwoyi. Lara awon okunrin to gba bee ni ogbeni Dada-Stephen Dst. O fi eyi han ninu atejade re to fi si ori iwe oju (facebook). Eyi ni ohun ti arakunrin naa le:

Ibele je ebun pataki fun igbeyawo ti okunrin maa n gba lati owo iyawo re titun. Sugbon lode oni, ko si ohun to jo bee mo, nitori ninu ki won ti fi se ebun ojo ibi, tabi fifi se idupe oore, won tun le fi se ona kan lati fi wase, won tun letun ti fi se iyinrere ninu ile ijosin, awon miran n lo ibale won fun ona lati fi yege idanwo, tabi ki won ti fi se owo oni moto ti won wo. { ede geesi lo koo awa la tumo re}
Eyi ni eda bi arakunrin naa se ko oo

Sugbon orísìírísìí idahun ati esi ni àwon eniyan lokunrin ati lobinrin ti n fun ògbéni Dada. Awon kan kin leyin awon kan si benu ate luu. Eyi ni die ninu awon esi ati idahun naa:

B

Ni ero ti yin nje eyin faramo oro ogbeni Dada yii

Ati hmmmm, ati heeenn lori Gbayiii naa ni

 

Ile-iwe wo ni copa yii ti jade. Ewo bi kopa yii se yeye ara re lori facebook. Talo moo

 Erin keekee lo gba enu awon eniyan, awon kan si bere si ni bu arabinrin ti o n si ilu baba re yii gege bi agunbaniro. Favour Abejirin ni inu re dun titi ni ago idanileko fun igbaradi (orientation camp) to si bo si ori iwe oju (facebook) lati ko akanse orin NYSC ti awon agunbaniro maa n ko fun awon eniyan. Sugbon dipo ki arabinrin naa gba oriyin, o seni laanu wi pe nise lo te, to si fi ate te idi. Eyin naa e wo ohun ti Favour ko:
“Obeying d Clarion’s call,,,,,, Under d sun or either rain,,,,, wit Education and selflessness.

dipo ki o ko “Youth obey the Clarion’s call…..Under the sun or in the rain…. with dedication and selflessness.”
Opolopo lo fi Abejirin se yeye, awon kan si bere si ni bu pe ko daju wi pe o mowe titi to fi jade ni ile eko ifafiti. Sebi ohun ti a o ba mo, o ye ki a bere ni.

O ga ooo

Gbayii fun gbogbo kopa

 

Ojogbon Wole Ti Te Oka Niru Mole, Hmmm, Wahala Nbo

 Ogbontarigi onkowe ni orile ede Nàìjíríà ni, òjògbón Wolé Soyinka ló ti mú ìlérí rè se nípa ìwé ìgbé ìlú ti orílè èdè Améríkà rè.
Òjògbón náà so ní ojó etí, ojó kìn-ín-ní osù kejìla, odún 2016 wí pé oun ti mú ìlérí oun tí oun se lásìkò ìpolongo idibo Améríkà wí pé tí Donald Trump ba wolé ìdìbò, oun yóò fa ìwé ìgbé ìlú Améríkà oun ya. Ní báyìí tí oun sì ti fa ìwé náà ya, oun ti pada si orílè èdè Nàìjíríà ti se ilè baba oun ti oun si ti ko orílè èdè Améríkà sílè.
Wolé Soyinka so èyí láti fi àìfara mo àti ai ni àtìleyìn fún Trump rè han. Sùgbón pèlú bi Baba yìí se n je oluko àgbà ni àwon ilé èkó nla meji no orílè èdè Améríkà ní sd ni baba naa kò fi tiyen se rara.

Òjògbón Wolé Soyinka wa so wí pé ìfé inú oun ni oun ti se, ohun to bá wu eni kéni ni kó se àti wí pé oun o ko dí eni kéni lórí lè èdè Nàìjíríà to bá wu láti gba ìwé igbelu náà nítorí iwe náà wulo pupo sùgbón ní toun Wolé Soyinka, oun ti fi Améríkà gegbaa.

Sùgbón sé e o ro wí pé wahala nlá ló n rúgbo bò wá bá Baba àgbà yii, aipe yii ni agbejoro kan kilo fún òjògbón Soyinka wí pé ko ma se dan wo lasa láti fa ìwé igbelu náà ya nítorí Améríkà kò fi nnkan ini rè sere. Nípa ìdí èyí e jé ká máa reti ohun tí Donald Trump yóò se fun baba o.

Ti kannaakannaa ba ti naa eyega {ija nbo, koi ti de}
Gbayiiinaa ni

Iroyin pajawiri, yajoyajo to towa lowo so wi pe Mulikat aya Arakangudu ti, hmmmmmmm

 

Iroyin yajoyajo to towa lowo jabo wi pe Mulikatu to ti je aya Sikiru Adesina {arakangudu} jade laye lo nii. Gege bi a se ri gbo lati oju iwe {facebook} Taiwo Alimi o ko sibe wi pe: IKU TUN TI DORO OO. SUN RE OO EGBON MI. {ede gee si lo fi ko o}
Ti e o ba gbagbe ninu odun yii ni oloogbe Sikiru Adesina to ti je oko Mulikatu naa jade laye, ki aya naa to jade laye bayii. Hmmm, Tokotaya Arakangudu e sun reooo. Titi di asiko ti a n ko iroyin yi jo, pato ohun to fa iku arabinrin naa koi ti ye wa. Sugbon a oo fi ekun rere iroyin naa too yi leti ni kete ti a ba ti gboo.

Hmmmmmm.
Ki la o fi Olorun se ninu idajo re leyin ka tun so fun pe
Gbayiiiii

Awon agunbaniro {copa} to ni ipo kini (first class student) meji loku lojo kan naa. Eyin ti e n lo fun NYSC e sora, Ohun to pa won ko ni fe je ke lo NYSC

Olorun oooo, Iku odo yii n poju lorile ede yi oo. Ijoba wa si dake won n woran. NYSC! NYSC!! NYSC!!! E fura ooo.
Ni ojo kini, osu kejila odun 2016 {01 / 12 / 2016} awon akekoo to sese pari ni ile eko ifafiti pelu ipo kini ti a mo si first class ti won si n sin ijoba labe NYSC lo jade laye lakata awon NYSC naa latari airi aisan ranpe ati airi itoju to peye ni aago idanilekoo {orientation camp}.

 

Oruko omobinri yii ni Ifedolapo Oladepo ti o wa ni ago idanileko agunbaniro ipinle Kano. Ifedolapo jade ni ifafiti nipa imo ero igbalode Ladoke Akintola (LAUTECH) ni Ogbomoso, o si jade pelu ipo kini ninu imo nipa igboke-gbodo irin ajo. Sugbon o seni laanu wi pe iku ko je ki arewa naa lo eto eko ati esi eko re naa pe nigba ti iku si ni owo ise leyin aisan ranpe to se ni aago idanilekoo NYSC. Iroyin kan so wi pe aibikita awon alakoso ago idanilekoo ati aini eto ilera to peye lo fa iku arabinrin naa. Ifedolapo ku si ile iwosan ni ojo kini osu kejila odun 2016 won si ti sin si ilu re ni Ogbomoso.

  Ifedolapo oo, Sun re ooo.

Tako tabo la da ile aye, iku tun kuro ni ago idanileko NYSC ni Kano, o tun gba ipinle Zamfara lo, o fa akeko kunrin kan yo laarin awon egbe re o si mu lo. Haaa, ikunle abiyamo. Ukeme Asuquo Monday to je akekoo to sese jade pelu ipo kini naa tun ku. Ifura ni oogun agba gege bi owe awon agba. Gbara ti Ukeme ti ri wi pe Zamfara ni NYSC gbe oun lo ti n wa gbogbo ona lati ye irin ajo naa gege bi ore re ti se jabo iroyin naa lori oju iwe {facebook}. eyi ni ohun ti ore re te jade gege bi oro ti awon jo so gbeyin lori whatsapp

Haaa, gbogbo akekoo orile ede Naijiria, a bi e ti sun, Ooorun we niru akoko yi koo.
E ji giri ki a si kun fun adura
Iku odo yii n gara gan oo
NYSC! NYSC!! NYSC!!! E fura oooo, oro yi n fe amojuto

Hmmm, e wo ju gbogbo re lo, iku ojiji ko ni kogun siwa ooo
Gbayi wa toni ikoro oju lo ba de jare, a o le se alaima se ni
 

Ìwúre Os̩ù tuntun fun gbogbo omo Yoruba. eemeji lo ma wu yin lati kaa. ise iwadi to peye ni

Nje iba fun olodumare, Oba to ni kokoro ile aye lowo
Ope nla ni fun Oba to wa ni ibi giga to n se akoso gbogbo aye
Opo eniyan lo wu ko di ojo oni, iro ni won pa Oba mi oke ko gba bee
Bee ko wu awon kan ki won di ojo oni, gbogbo ogbon ni won da lati gba emi arawon
Allahu rabi ko je ki won raaye koja si sanmo
O wu awa lati di ojo oni Kabi o o si Oba agba si da emi ati iwo si
Ope ooooo
Osu Seere (January) lo, ko se wa seresere

Osu Erele (February) koja, gbogbo ere taa se ko le wa si orun

Osu Erena (March) naa di ohun igbagbe, awa ko deni igbagbe ni tiwa

Osu Igbe (April) gbe eru re danu, igbe iku oro ko jade lenu ebi wa wi pe a ti di agbe gbin

Osu Ebibi (May) bi danu, sugbon aye ko bi wa danu ni tiwa, Olorun o ma se

Osu Okudu (June) naa ko awon eniyan lo, sugbon awa ko di eni ti oku re dun awo eniyan

Osu Agemo (July) pa ile mo o lo, awa ko ba alagemo ati epe re lo

Osu Ogun (August) se titi, opo eniyan ni won fi bo ogun, sugbon awa o ku iku ogun

Osu Owewe (September) we awon eniyan danu, gboingboin lawa wa

Osu Owara (October) se wara wara o gberu re nile, Oba oke ko ma je ki a fi wara wara fi aye sile

Osu Beelu (November) belu igbo pelu awon kan sugbon eyee wo awa re. Opo ojo lo ti ro ti ile ti fi mu, a o fi yo won, a fi n dupe fun Olorun ni.

Ope ooooooooooo
Iwe elesin Musulumi, Iwe elesin Kirisiteni, ati ti awon elesin kan abalaye je ko ye wa wi pe ENI BA DUPE ORE ANA, YOO RI OMIRAN GBA.

Osu Ope (December) la wa yi ooo. Olorun a dupe gbogbo eyi to ti se fun wa seyin. Dakun dabo je ki emi wa la 2016 ki a si ri opo odun laye.
OLORUN OOO: Gbogbo ohun ti a n ro je ko papo mo tie ooo.

Eyin wo le ri kini yii ka, ke si se amin oo.
Ohun ti ma fi pari re naa ni GBAYII