BÀBÁ YORÙBÁ: E̩ wo àwo̩n O̩ló̩pàá orílè èdè Nàìjíríà. Sé lára is̩é̩ wo̩n ni èyí?

Agbè fó̩ba kìí jè̩bi gé̩gé̩ bí òwe àwo̩n àgbà. S̩ís̩e is̩é̩ O̩ló̩pàá (agbófinró) yálà ló̩kùnrin tàbí obìnrin, ó ko̩já ohun tí ò̩pò̩lopò̩ ará ìlú ń fojú wò. O̩kùnrin tóń sun rárà fún o̩kùnrin e̩gbé̩ rè̩, ako̩ is̩é̩ ló ń s̩e. Gé̩gé̩ bí a ti rí i ní orí ojú ewé ayélujára naij.com, wó̩n s̩e àfihàn àwo̩n àwòrán kan tí ó ń júwe orís̩ìírís̩ìí is̩é̩ tí àwo̩n o̩ló̩pàá ń s̩e láàárín ìlú. E̩ jé̩ ka sún sí ìsàlè̩ láti ye̩ àwo̩n àwòrán mé̩tàdínlógún yìí wò láti mo pàtàkì is̩é̩ o̩ló̩pàá;

1. Nígbà míràn is̩é̩ wa pè̩lú kí á máa di agbòòrùn mú fún àwo̩n olówó, a s̩e eléyìí nítorí ìfé̩ tí a ní sí àwo̩n ará ìlú àti nítorí owó

2. Àwo̩n òyìnbó òkè òkun náà máa ń je̩ àǹfàní nínú is̩é̩ gbígbé agbòòrún dání wa náà tàbí nípa rírán wa nís̩é̩.

3. Nígbà míràn è̩wè̩ a máa ń gbé àpamó̩wó̩ fún àwo̩n aya olórí àti alás̩e̩ tàbí aya alé̩nuló̩rò̩ láàárín ìlú, tí e bá jé̩ olówó olórò láàárín ìlú e̩ jé̩ ká mò̩ yín bóyá a lè ran è̩yin náà ló̩wó̩

4. Kí o̩ló̩pàá re̩wà̩ jé̩ ohun ìwúrí fún wa nínú is̩é̩ o̩ló̩pàá, èyí jé̩ ò̩kan lára ohun tí ó máa mú is̩é̩ náà wu ni

5. Ìgbà míràn, a máa ń ló̩ alábòsí tàbí arúfin lá́ra kó tó di wí pé a óò fi o̩wó̩ òfin gbá a mú

6. Kò sí e̩ni tí kìírè̩, ó lè rè̩ wá lé̩nu is̩é̩, ó s̩e pàtàkì fún wa láti sùn bí kò tilè̩ ju wákàtí kan lo̩.

7. Ní ìgbà míràn orí èèyàn jé̩ ohun tí a máa ń bá pàdé lé̩yìn o̩kò̩ àwo̩n ènìyàn, s̩ùgbó̩n kìí bàwá lé̩rù

8. Àrà wà ló̩wó̩ wa tí a máa ń dá tí yóò yà yín lé̩nu púpò̩, àgààgà lásìkò is̩é̩, e̩ má lo̩ fojú kéré agbára wa

9. Ó s̩eés̩e ká gbéná wojú ara wa, lára ohun tí a kó̩ mó̩ is̩é ni, kò sí ojú s̩àájú, kìí s̩e ohun ìtìjú rárá, ènìyàn e̩lé̩ran ara làwa náà̩

10. Àlùbami ni a máa ń lu e̩lòmíràn, kìí s̩e nítorí ìkórìra s̩ùgbó̩n lára ò̩nà láti lè fi ìdí òfin múlè̩ ni

The

11. Nígbà tí a bá so̩ wí pé òfin mú e̩, s̩ùgbó̩n tí o gbìnyànjú láti s̩e bí e̩ni wí pé o gbó̩n, àwa náà máa ní láti gbé e̩ gé̩gé̩ b́í ìkókó tí kò gbó̩, kílódé tóò s̩e kúkú s̩e bí àgbàlagbà

12. A máa dúró tí ò̩daràn láti ya àwòrán, bótilè̩ jé̩ wí pé kò wù wá, s̩ùgbó̩n a ní láti s̩e é, lára is̩é̩ wa ni

13. Tí àwa mé̩ta bá dòyì ká e̩, má s̩e s̩e bí alágbára, nítorí ó s̩eés̩e ká lo ohun ìjà o̩wó̩ wa, ìgbè̩yìn rè̩ sì lè jásí ohun tí o kò fé̩

14. ́Lára adùn is̩é̩ wa ni wí pé àwa àti olórí orílè̩̀ èdè máa ń jo̩ dá ò̩wé̩kè̩ nígbà míràn

15. Tí a bá pò̩ wo̩ àdúgbò́ yín báyìí, e̩ má s̩e fòyà, àrà náà la fi dá.

16. A tún máa n gba àdúrà pè̩lu yín nígbà tí a bá n báa yin gbé àpamo̩wó̩ dání gé̩gé̩ bíi olùrànló̩wó̩

17. Ju gbogbo rè̩ lo̩, e̩ má s̩e gbàgbé wí pé Ò̩RÉ̩ YÍN NI O̩LÓ̩PÀÁ

Pè̩lu gbogbo ohun tí a kà sókè yí, njé̩ o lè s̩e is̩é̩ O̩ló̩pàá
Gbayii fún gbogbo O̩ló̩pàá

propeller

Wednesday, 12 October 2016

E̩ wo àwo̩n O̩ló̩pàá orílè èdè Nàìjíríà. Sé lára is̩é̩ wo̩n ni èyí?

No comments:

Post a Comment